۔۔ مجھ سے کوئی محبت نہیں کرتا۔۔

تحریر ابوفروا۔۔
یہ جملہ اکثر و بیشتر بولا اور سنا جاتا ھے۔ 
خاص طور پر خواتین اور بچے یہ جملہ عموماً بولتے نظر آتے ہیں۔
تو میرا ان سے بہت معصومانہ سوال ھےکہ کوئی آپ سے محبت کیوں کرے، ؟
آپ میں ایسا کیا ھے کہ سب لوگ پابند ہیں کہ وہ آپ سے محبت کریں۔
کیا آپ کو اللّٰہ نے اسپیشل بنایا ھے اور آپ کو دنیا میں بھیجتے ہوئے آپ سے کہا ھے کہ تم دنیا میں جاؤ اور میں نے پوری دنیا کو حکم دے رکھا ھے کہ وہ سب تم سے محبت کریں گے تمہاری عزت ان پر فرض کردی ھے میں نے۔
اگر ایسا کچھ لکھوا کہ لائے ہو اپنے لیے تو دکھاؤ۔؟
یا آپ نے بنی نوع انسان کے لیے کچھ ایسے عظیم کارہائے نمایاں انجام دے دیے ہیں کہ اب سب مجبور ہیں آپ کی عزت کرنے اور آپ سے محبت کرنے کے لیے۔؟
یا آپ کا اخلاقی کردار اس اعلیٰ پائے کا ھے کہ لوگوں کے سر خود بخود آپ کے سامنے جھک جانے چاہئیں۔؟
مطلب آپ میں ایسا کیا ھے یا آپ نے ایسا کیا کیا ھے کہ لوگ آپ سے محبت کریں آپ کی عزت کریں۔
کیوں کریں۔ ؟
محبت کی بھیک مانگنے سے محبت نہیں ملتی۔ بلکہ 
جیسے سوئٹر کو بننے کے لیے پھندے لگائے جاتے ہیں نہ بلکل اسی طرح ہمیں محبت کو بھی بننا پڑتا ھے اس کے لیے ہمیں اخوت، ایثار، قربانی، درگزر، اور خدمت کے پھندے لگا لگا کر دوسرے کو اپنے ساتھ جوڑنا پڑتا ھے تب کہیں جاکر پیار کا سوئٹر مکمل ہوتا ھے اور ہمارے تن کو محبت کی گرمائیش پہنچانے کے قابل بنتا ھے۔۔
ابوفروا۔۔
Share To:

Post A Comment:

0 comments so far,add yours